Күн бастакы аҥарыгар быыстапка-дьаарбаҥка дьон-сэргэ сэҥээриитин ылла. Предприниматель Георгий Иванов маһынан уонна МДФ матырыйаалынан олус үчүгэй миэбэл оҥорон быыстапкалаата. Үөдэйтэн Афанасий Прокопьев сахалыы атах таҥаһын коллекцията дьон болҕомтотун тарта. «Эрэл» ас-үөл комбинатын бородууксуйата атыыга хамаҕатык барда. Парикмахердар, визажистар, маникюрдар дьахталларга маастар-кылаас ыыттылар, өҥөлөрүн рекламалаатылар.

Күнүстэн киэһэ Предпринимательство сылын үөрүүлээх быһыыга-майгыга аһыы буолла. Манна улуус баһылыга Александр Атласов, республикатааҕы Бизнес-инкубатор салайааччыта Максим Карбушев, “Ленскэй нэһилиэк” МТ баһылыга Андрей Новгородов, улуус мунньаҕын председателэ Иван Попов уонна Дьокуускай куорат координационнай сэбиэтин чилиэнэ, “КопирТехСервис” генеральнай дириэктэрэ Александр Никифоров, препринимателлэр бырааптарын көмүскүүр омбудсмен Нам улууһугар бэрэстэбиитэлэ Ольга Протопопова тыл эттилэр.

СР Предпринимательство дьыалатыгар уонна туризм сайдыытыгар министиэристибэтин грамоталарынанИзюков А.Г. (“Туйаара” маҕаһыын), Воронина О.В. (“Радуга” маҕаһыын), Молчанова Н.Е. (“Нива” маҕаһыын) бэлиэтэннилэр. Маны сэргэ АлександрПавлович улуус дьаһалтатын аатыттанбастыҥпредпринимателлэргэ «Копир+» ХЭТ дириэктэригэр Борис Новгородовка, «Айан-Транс» ХЭТ дириэктэригэр Владимир Афанасьевка уо.д.а.бочуотунай грамотаны, махтал суругу туттарда.

«Ленскэй нэһилиэк» МТ баһылыга Андрей Новгородов эҕэрдэ тылын этэн туран «Копир+» атыы-эргиэн киинин дириэктэрин Борис Новгородовы «Нэһилиэк социальнай-экономическай сайдыытыгар кылаатын иһин» диэн бэлиэнэн наҕараадалаата, иистэнньэҥ Елена Алексееваҕа махтал сурук туттарда.

Улуус депутаттарын Сэбиэтин председателэ И.Р. Попов Соловьев А.И. («Төрүт уу» ыраас уу), Винокуров И.Н. (атыы-эргиэн), Ермолаев Ю.П. («Ленские зори» ХЭТ) уонна Эверестова С.И. («Баай хочо» ХЭТ) үлэлэрин махтал суругунан бэлиэтээтэ.

«Бизнес-инкубатор» тэрилтэ генеральнай дириэктэрэ М.Г. Карбушев улууска Бизнес-инкубатор тутуута саҕаланарын биһирээтэ. «Бизнес-инкубатор улууска дьоҕус бизнес сайдыытыгар төһүү күүс буолуохтаах, манна саҥа саҕалыыр предпринимателлергэ атахтарыгар туралларыгар кыах бэриллиэхтээх. Бизнес-оскуола аһан куурустары, маастар-кылаастары бэйэҕит ыытаргыт ордук», - диэн баҕа санаатын эттэ.

«КопирТехСервис» генеральнай дириэктэрэ, биир дойдулаахпыт Александр Никифоров улуус предпринимателлерэ түмсүүлээх эрэ буоллахтарына баар кыһалҕалары көдьүүстээхтик быһаарыахтарын сөбүн тоһоҕолоон бэлиэтээтэ. «Бизнес-сообщество тэрээһиннээхтик, биир санаанан үлэлиирэ хайаан да таһаарыылаах, кыайыылаах буолуо», - диэтэ.

Салгыы «Баай хочо» сурунаал презентациятын редактор Сардаана Эверестова ыытта: «Инникитин сурунаалбытын нууччалыы тылбаастыахпытын баҕарабыт. Бу аныгы технология, Интернет сайдыбыт үйэтигэр Намтан төрүттээх, Намҥа үлэлии сылдьыбыт, иккис дойду оҥостубут дьон, республикаҕа, атын регионнарга, омук сиригэр олорор биир дойдулаахтарбыт улуус сонунун көрө-истэ сырыттыннар диэн санааттан электроннай көрүҥүн оҥоруохпутун баҕарабыт», - диэн санаатын эттэ. Сардаана Игнатьевнаны «Далбар хотун» сурунаал редактора Галина Полускина, улуустааҕы библиотечнай ситим директора Майя Софронова уонна Нам улууһугар Омбудсмен бэрэстэбиитэлэ Ольга Протопопова эҕэрдэлээтилэр, алгыс тылларын анаатылар.

«Песчаная гора» турбаза дириэктэрэ Юрий Ермолаев улууска туризм сайдар кэскилин туһунан уонна Татьяна Слепцова «Якутская усадьба» бырайыагын презентациялара улахан сэҥээриини ыллылар. Юрий Прокопьевич кэлбит дьоҥҥо туһаайан «Туризм Нам улууһугар – кэскиллээх салаа, манна элбэх буолан кластерынан тэҥҥэ үлэлиир ордук көдьүүстээх. Билигин тас дойдуга сынньанар ыараата, оттон биһиги өҥөлөрбүтүн нэһилиэнньэҕэ утары баран чэпчэтэбит», - диэн бэлиэтээтэ.

Дьоро киэһэни Хамаҕатта талааннаах ыччаттара Анна Тытыгынаева уонна Сандр Находкин ыллаан-туойан киэргэттилэр. Визажист, «Невские берега» Россиятааҕы күрэс кыттыылааҕа, V степеннээх дипломант Эльвира Гуляева моделлара, талааннаах иистэнньэҥнэр, модельердар Лия Гоголева уонна Саргылаана Аржакова тикпит таҥастарын көрдөрдүлэр. Бырааһынньыгы эстрада сулустара Евгений Прокопьев уонна Тахмина эҕэрдэ ырыаларынан түмүктээтилэр.