Семинар аһыллыытыгар Хоптоҕо нэһилиэгин баһылыга Д.Д. Дьячковскай үлэни-хамнаһы билиһиннэрдэ, олохтоох баһаарынай чаас үлэһиттэрэ нэһилиэк общественнай олоҕор актыыбынайдык кытталларын бэлиэтээтэ, семинар ситиһиилээхтик барарыгар баҕатын тиэртэ. Дириҥнээҕи баһаарынай чаас начальнига Г.Г. Кузьмин салайар тэрилтэтэ 4 нэһилиэги, 2 учаастагы, 1200 чааһынай дьиэни, 80-ча объегы итиннэ үлэлиир, олорор дьону хабарын билиһиннэрдэ. Караул начальниктара Д.И. Хоютанов, В.В. Васильев, Р.И. Чехардун, В.И. Поисеев уонна старшай суоппар В.Т. Анисимов үлэлэрин уопутун кытта үллэһиннилэр.

Чурапчытааҕы баһаарынай этэрээт начальнига П.П. Макаров, начальнигы солбуйааччы А.К. Попов, кадрга отдел начальнига П.Р. Слепцова, уонна старшай суоппар П.П. Максимов үлэни тэрийиигэ сүбэлэри биэрдилэр. Нэһилиэнньэҕэ баһаартан сэрэхтээх буолуу үлэтин тэрийии туһунан профилактика отделын үлэһитэ А.А. Рожин сиһилии кэпсээтэ.

Семинар кыттыылаахтара маннык мустан үлэни ырытыһар, сүбэлэһэр көдьүүстээҕин бэлиэтээтилэр.

Күнүстэн киэһэ ким баҕалаах куйуурга сылдьан, дьиэлэригэр сибиэһэй балык кэһиилээх бардылар.