Үрүҥ Хайа аэропордугар Кыайыы былааҕа Ураһалаах нэһилиэгин олохтоохторугар туттарылынна. Бу нэһилиэк үс көлүөнэ дьоно: оҕолор, ыччаттар, кырдьаҕастар үөрүүлээх быһыыга-майгыга Кыайыы былааҕын көрүстүлэр.

Сөмөлүөт трабын аттыгар Знамяны улуус баһылыгын солбуйааччыта Владимир Ильин, СР Общественнай палататын чилиэнэ Александра Чиркова, бэтэрээннэр улуустааҕы сэбиэттэрин бэрэссэдээтэлэ Надежда Атласова, ыччат уонна дьиэ кэргэн дьыалаларыгар отдел начальнига Владислав Окороков, Ураһалаах нэһилиэгин баһылыга Виктор Шкулев, оскуола үөрэнээччилэрэ көрүстүлэр. Ураһалаах нэһилиэгин бастыҥ алгысчыта Аида Стручкова алҕаата-уруйдаата.

Эдэр, кырдьаҕас көлүөнэ дьон олох устун тэҥҥэ эрэллээхтик хардыылыыр буоллахтарына, үлэҕэ, үөрэххэ, олоххо кыайыы кыыма кытыастар. Бу санаанан салайтаран, аҕа көлүөнэ дьон, ытыктабыллаах бэтэрээннэр олорон ааспыт олохторун уонна история кэрчигин ыччаттарга кэпсээтилэр. Кинилэр Ийэ дойду көмүскэлигэр, олохторун толук уурбут, тыылга үлэлээбит бээтэрээннэр тустарынан ыччаттар өйдөрүгэр-санааларыгар иҥэрдилэр, сүрэхтэригэр-дууһаларыгар ылыннардылар. Истиҥ көрсүһүүгэ Кыайыы ырыалара ылланнылар, алгыс тыллара этилиннилэр.

Улуу Кыайыы былааҕа салгыы оройуон бары нэһилиэнньэлээх пууннарынан айанныаҕа.