- Арҕас 600-кэ киһилээх дьоҕус сэлиэнньэ. Манна биригээдэни нэһилиэк социальнай үлэһитэ Варвара Гаврильева уонна олохтоох полиция учасковайа Александр Винокуров көрүстүлэр.
- Оҕо көрүүтэ-истиитэ суох сылдьыытын, буруйу оҥоруутун сэрэтэр уонна дьиэ кэргэн микроклиматын үөрэтэр сыаллаах биригээдэ чилиэннэрэ Дьиэ кэргэн киинигэр, эппиэкэҕэ уонна попечительствоҕа, саастарын ситэ илик оҕолор дьыалаларынан хамыыһыйа учуотугар турар ыалларга сырыттылар.
- Үлэ үксэ биирдиилээн ыалынан ыытылынна. Олорор усулуобуйаларын көрдүлэр, аакталары, анкеталары толордулар, эппиэкэлээччилэр уонна попечителлэр бырааптарын, эбээһинэстэрин быһааран биэрдилэр. Сүрүн болҕомтону дьону кытта кэпсэтиигэ, биирдиилээн дьиэ кэргэни кытта үлэҕэ, кинилэр проблемаларыгар уурдулар. Оҕолору уонна төрөппүттэрин кытта биирдиилээн кэпсэттилэр, сэрэтэр бэсиэдэлэри, өйдөтөр үлэни ыыттылар.
- Саастарын ситэ илик оҕолору КДН учуотуттан уһулларга хадатаайыстыбалар киирдилэр.
- Дьиэ кэргэҥҥэ уонна оҕолорго социальнай көмө киинин үлэһиттэрэ материальнай, психологическай, педагогическай көмөҕө наадыйааччылары бэлиэтэннилэр, төлөпүөннэрин суруннулар.
- Социальнай контракт түһэрсэн сүөһү ылбыт ыалга ыалдьыттаатылар. Кондакова М.И. «Начинающий фермер» куонкуруска кыттан 10 бастыҥнар истэригэр киирэн, салгыы 1,5 мөлүйүөн сууммалаах Граны ылар иһин күрэстэһиигэ кыттыаҕа.
- Күнүс спортивнай саалаҕа баар кулуупка нэһилиэк, тэрилтэлэр салайааччыларын, актыыбы кытта, оттон күнүстэн киэһэ оскуолаҕа төрөппүттэри, учууталлары кытта көрсүһүүлэр буоллулар.
- Социальнай көмүскэл управлениетын салайааччы Н.Г. Доманова управление үлэтин билиһиннэрдэ, «Арассыыйа Федерациятыгар гражданнары социальнай хааччыйыы төрүттэрин туһунан» 28.12.2013 с. 442-ФС №-дээх федеральнай сокуон сүрүн хайысхаларын кэпсээтэ, инбэлииттэргэ, тыыл, үлэ бэтэрээннэригэр көрүллэр чэпчэтиилэри, пособиелары, социальнай көмөнү кытта билиһиннэрдэ.
- Социальнай көмө киинин дириэктэрэ Т.Н. Протопопова сокуоннай саастарын туола илик оҕолор, дьиэ кэргэн сокуонунан көрүллэр бырааптарын уонна интэриэстэрин көмүскүүр тэрилтэ сыалын-соругун кэпсээтэ.
- Сүрүн болҕомтону саастарын ситэ илик оҕолор буруйу оҥорууларыгар туһаайда.
- Саастарын ситэ илик оҕолор дьыалаларыгар хамыыһыйа сэкирэтээрэ Ния Левина оҕолору кытта үлэни билиһиннэрдэ.
- Кальвицаҕа биригээдэни нэһилиэк баһылыгын солбуйааччы Екатерина Кононова уонна социальнай үлэһит Екатерина Гуляева көрүстүлэр.
- Социальнай көмүскэл управлениетын салайааччыта Н.Г. Доманова, Социальнай көмө киинин дириэктэрэ Т.Н. Протопопова уонна биригээдэ чилиэннэрэ биирдиилээн дьону приемнаатылар.
- Сырыы табылынна, педагогтарга, төрөппүттэргэ, бары наадыйааччыга туһааннаах методическай-консультационнай көмө оҥоһулунна.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети