Кыһа кинигэ арааһын кэмиттэн кэмигэр саҥардан биэрэн, ааҕар, практическай өртүнэн туһаныллар кинигэ ахсаанын сүүстэн таһааран, өссө да элбэтэ турар былааннаах. «Дьон үөрэннэҕинэ кинигэ электроннай көрүҥүн атыылаһан ааҕар буолуо. Сахалар саҥаны, сонуну ылынар дьоммут, онон ордук ыраах улуус олохтоохторо Интернеккэ киирэн, сөбүлээбит кинигэлэрин хачайдаан ааҕыахтара, төрөппүттэр оҕолорун кыра сааһыттан ааҕа-суоттуу үөрэтиэхтэрэ», -- диэн этэр кыһа салайааччыта Август Егоров.

Playmarket-ка «Бичик» диэн көрдөөтүгүт да тута таһаарар, манна саха литературатын классиктарын, билиҥҥи суруйааччылар айымньылара, эдэр ааптардар уус-уран суруйуулара, тылбаас үлэлэр, Олоҥхо дойдутун историятын, культуратын, этнографиятын туһунан кэпсиир о.д.а. кинигэлэр киирдилэр.

Улуу Кыайыы 70 сылыгар фронтовик суруйааччы Тимофей Сметанин аатырбыт Егор Чээрин туһунан сэһэнин уонна оҕолорго «Кулун Куллустуур» аудио сыһыарыылаах олоҥхону босхо хачайданан ааҕыахха с6п. Онон, Playmarket-ка киирэн, «Книги Бичик» көрдөөҥ, ааҕыҥ, сэргээҥ! Маннык электроннай сыһыарыы сотору AppStore киирэн, iPhone, iPade гаджеттарга үлэлиэҕэ.