Салгыы тыыл бэтэрээннэрин кырдьаҕастары көрө-истэр кииҥҥэ мунньан оройуон кииннэммит библиотекатын (салайааччы Семенова Н.Н.) уонна кырдьаҕастары көрө-истэр киин үлэһиттэрин кэлэктииптэрэ (салайааччы Степанова С.Е.) эҕэрдэ концерт көрдөрдүлэр.

Улуу Кыайыыны үрдүк таһаарыылаах үлэлэринэн уһансыбыт тыыл бэтэрээннэригэр Прокопьева П.Н., Николаева Т.К., Иванова Е.В., Сергеева М.Ф., Христофоров Н.Ф., Николаев С.И., Николаева Х.П. үөрүүлээх быһыыга-майгыга «Кыайыы 70 сыла» юбилейнай мэтээллэр туттарылыннылар.

Кирбэй нэһилиэгэр ыытыллыбыт Бэтэрээн күнүгэр оройуон дьаһалтатын баһылыгын бастакы солбуйааччы Спартак Илларионов, кииннэммит библиотека салайааччыта Н.Н. Семенова, оройуон дьаһалтатын баһылыгын солбуйааччы Л.В. Александрова, Харыйалаах орто оскуолатын дириэктэрин солбуйааччы Т.Н. Васильева, кырдььаҕастары көрөр-истэр киин салайааччыта С.Е. Степанова, Кирбэй национальнай нэһилиэгин дьаһалтатын баһылыгын солбуйааччы О.Е. Алексеева уонна да атын уопсастыбаннай тэрилтэлэр бэрэстэбиитэллэрэ кыттыыны ыланнар, бэтэрээннэри итиитик-истиҥник эҕэрдэлээтилэр, улууска билигин 32 тыыл бэтэрээнэ олорорун этэн туран, эдэр көлүөнэ ыччаты аҕа көлүөнэ албан ааттаах суолунан киэн туттарга, кинилэртэн холобур ыларга ыҥырдылар.