Программа автора - ССРС, РФ, Саха сирин Государственнай бириэмийэлэрин лауреаттара; Чингиз Айтматов Норуоттар икки ардыларынааҕы Академиятын бириэмийэтин лауреата; РФ народнай артыыһа, Саха сирин, РФ искусстволарын үтүөлээх деятелэ; СР культуратын уонна духуобунай сайдыытын миниистирэ Андрей Борисов.

Программа редактора – Саха сирин культуратын үтүөлээх үлэһитэ Евдокия Избекова. Оператор – СР искусствотын үтүөлээх деятелэ Юрий Бережнев.

А. Борисов санаатынан, аан дойдуга дьон бары Айтматов айымньыларын ытыктыыллар. "Кыргызстан аан дойдуга бэлэҕэ - Чингиз Айтматов", - диир республика культуратын уонна духуобунай сайдыытын миниистирэ.

Ч. Айтматов 85 сааһыгар анаммыт киэһэ бочуоттаах кыттааччыларынан учуонайдар, суруйааччылар, журналистар, артыыстар уонна да атыттар буолуохтара.

Киэһэҕэ М.С. Шепкин аатынан Үрдүкү театральнай училищены бүтэрээччилэр Ч. Айтматов «Тополек мой в красной косынке» сэһэнинэн туруорбут 1966 сыллааҕы дипломнай, «Желанный голубой берег мой» (1982), "Материнское поле" спектаклларыттан быһа тардыылар көрдөрүллүөхтэрэ, диэн Саха сирин культуратын уонна духуобунай сайдыытын Министерствотын пресс-киинэ иһитиннэрэр.