Абый Уолбутугар буолбут аҕалар, булчуттар күрэхтэһиилэрин кыттыылаахтара тордунан биһирэннилэр

Уолбукка Кыайыы 70 сылыгар анаммыт аҕалар, булчуттар күрэхтэһиилэрэ ыытылынна. Төһө да тымныы, тыаллаах халлаан турдар, эр дьон 2 хамаандаҕа наарданан, 7 түһүмэхтээх күрэскэ кыттан, түмүккэ тэҥнэһэн таҕыстылар.


Ордук интэриэһинэй көрүҥнэринэн сыалы ытыы, хапкааны, чааркааны иитии, маһы хайытыы, ханаат тардыһыыта буолла.
Киэһэтин аҕалар, булчуттар кулуупка куонкурустарга, викториналарга кытыннылар. Викторинаны дьахталлар сэбиэттэрин бэрэссэдээтэлэ Дохунаева О.А. ыытта. Балыгы хатырыктааһыҥҥа, кыһыыга, хортуосканы ыраастааһыҥҥа, күөрчэҕи ытыйыыга, түргэнник аһааһыҥҥа, көрдөөх кэпсээҥҥэ куонкурустар буоллулар.
Көрөөччүлэр бастакы хамаанда капитана Ю.А. Луковцев кэпсээнин ордук сэҥээрдилэр. Хатыһыылаах киирсии кэнниттэн 76 бааллаах Ю.А. Луковцев хамаандата бастаата. А.Е. Жирков хамаандата 69 баалы ылан иккис буолла. Хамаандалар дипломунан, минньигэс тордунан наҕараадаланнылар.