Бастакы сылыгар эрэли кытта саҥата суох олорбут эбит буоллахтарына, иккис сылыгар бу итэҕэс туоратыллыбатаҕар нэһилиэнньэ күүскэ этиммитэ, Бырабыыталыстыба аатыгар сүүһүнэн киһи илии баттааһыннаах сурук ыытыллыбыта.

Ол түмүгэр ОДьКХ миниистирэ А.Колодезников эппиэтэ кэлбитэ. Онно этиллэринэн, баар итэҕэһи туоратыыга үлэ барар эбит, туһааннаах өрөмүөннүүр тэрил бастакы аҥаара олохтоох ОДьКХ ыскылаатыгар кыһыҥҥы суолунан аҕалыллыбыт.

Ону кытта СР Айылҕа кэтэбилин управлениетын (Росприроднадзор) салайааччы В.Семёнов суругун билиһиннэрэбит. Манна сурулларынан, управлениенан ОДьКХ ГУП үлэтин бэрэбиэркэлээһин ыытыллыбыт. Чинчийэн көрүү түмүгэр “Южная” хочуолунай ыраастыыр тэрилин үлэтэ ситэтэ суоҕа, кырдьык, айылҕаҕа хоромньуну таһаарара дакаастаммыт.

Бу административнай дьыала матырыйааллара Дьокуускайдааҕы суукка көрүллүбүт. Ол түмүгэр ОДьКХ ГУП аатыгар КоАПРФ 8.21 ыст. 3 ч. олоҕуран ыстараап түһэриллибит. Онон нэһилиэнньэ туруорсуута таах хаалбата диэххэ наада. Кэлэр кыстыкка маннык хартыына хатыламматар ханнык.