Дьокуускайга искэни эмтиир киини туттарыы боппуруоһа республика общественноһын долгуппута ыраатта. Илии баттааһыны хомуйуу, бары сонуннары киэҥник тарҕатар эйгэҕэ таһаарыы, араас тэрээһиннэргэ тыл этии уонна интернеккэ күүстээх ырытыһыы  — бу барыта былаас органнарын баар кыһалҕаҕа болҕомто уурарга ыҥырыыны күөртээбиттэрэ. Манна  республика президенэ Егор Борисов норуотун кытта биир санаалаах. Саха сиригэр онкокиин баар буолуохтаах!

Элбэх киһи модьуйуутунан, баҺылык күүстээх санаатынан, сонуннары тарҕатар эйгэ тутууну соруйан уһата сатыыллар диэн саралааһыннарынан салайтаран, СР доруобуйатын харыстабылын министерствота элбэхтэ хоруйдуурга күһэллибитэ.
Онкокиин тутуллара хайаан да наада, ол көҥдөй дьиэ буолбакка, көдьүүстээх аныгы диагностическай уонна эмтиир оборудованиенан толору хааччыллыбыт дьиҥнээх комплекс буолуохтаах.