“Виадрина үнүбэрсиэккэ ньиэмэс уонна аангылыйа тылынан үөрэтэллэр. Сүрүн үөрэх дьарыктарын тэҥэ, ХИБҮ устудьуоннара тыл куурустарыгар сылдьыахтарын сөп. Дуогабар чэрчитинэн, Виадрина үнүбэрсиэт нуучча тылын баһылыыр устудьуоннарын, ХИБҮ-гэ биир симиэстир стажировкаҕа ыытаары былаанныыр”, - диэн ХИБҮ Норуоттар икки ардыларынааҕы сибээс салалтатын салайааччыта Владлен Кугунуров бэлиэтээтэ.

Виадрина Норуоттар икки ардыларынааҕы сибээһин салалтата, экэниэмикэ, история, политология салаатыгар бэлэмнэнээн устудьуоннарга анаан хардарыта дьайсыы бырагыраамматын тэрийэргэ этии киллэрдэ. Онуоха, Европатааҕы үнүбэрсиэт, Германияҕа олорон үөрэнии кэмигэр ханнык эмэ ороскуоту сабар хас биирдии симиэстиргэ биирдии истипиэндьийэни көрүөҕэ.

Билигин Виадринаҕа, ХИБҮ-гэ Бош пуондатын урукку лиэктэрэ Ребекка Манке үлэлиир, кини үнүбэрсиэттэри кытары бииргэ үлэлэһии туһунан көҕүлээбитэ.

Ыспыраапка: Виадрина үнүбэрсиэтэ (Viadrina)-Европа саастаах үнүбэрсиэттэриттэн биирдэстэрэ, Германия илин өттүгэр баар Франкфурт-на-Одераҕа турар. Үнүбэрсиэт 1506 сыллаахха Нестор Иоахим I бранденбургскай курфюрста, ньиэмэс таҥаратын үөрэҕин уонна гумманиһын Конрад Вимпий ыйааҕынан тэриллибитэ уонна бастакы ректорынан үлэлээбитэ. “Виардина” диэн аата латын тылыттан төрүттээх, “на-Одере” диэн суолталаах.

Хардарыта атастаһыы туһунан, дуогабар координаторыттан Олесова Татьяна Ивановнаттан ыйытыаххытын сөп: НИАСС (УМС), ҮӨСК (ГУК), 216 кабинет, билсэр төл: 36-14-53, international@s-vfu.ru