9/1 блокка, Хотугулуу-Илиҥҥи бэдэрээлинэй үнүбэрсиэт уонна Чукуоткатааҕы филиал үнүбэрсиэккэ салгыы үөрэнэр устудьуоннара киириэхтэрэ. Биир отсек омук-устудьуоннарыгар ананна.
Иккис блок-9/2, билигин араас таһымнаах үлэ бара турарынан сибээстээн, кулун тутар бүтүүтэ арыллыаҕа. “Уопсай 5 блоктаах, 941 миэстэҕэ суоттаныллыбыт. Хостору, кухняны уонна хаһаайыстыбаннай отсегы тэҥэ, уруок ааҕар хостор, дьарыктанар сир, таһаҕас уурар камера о.д.а хостор баар буолуохтара. Маны таһынан, уратытык үөрэнэр кыһалҕалаах оҕолорго туспа анал хостор көрүллүөхтэрэ”,-диэн ХИБҮ устудьуоннар куораттарын дириэктэрэ Петр Шамаев бэлиэтээтэ.
Санатар эбит буоллахха, 2010 сыллаахха үөрэҕирии Бэдэрээлинэй целевой бырагыраамматыгар, 2012-13 сылга, 941 миэстэлээх уопсай тутуута киирбитэ. Объегы ААУо ӨКЫБҮ (РППИ) “Якутпроект” бырайыактаабыта. 2012 сыл атырдьах ыйын 12 күнүгэр, уопсай бастакы баҕанатын түһэрии үөрүүлээх сиэрэ-туома буолбута. Тутуу уопсай сыаната 730 мөл 800 тыһ тэҥнэһэр. Тутууну “Строймонтаж-2002” хампаанньа оҥордо.
Комментарии
Авторизация на сайте через социальные сети