“Хотугулуу-Илиҥҥи бэдэрээссийэлиир үнүбэрсиэт хаачыстыбалаах абитуриеннары ылыыга элбэх сүһүөхтээх, тиһиктээх үлэни олохтуур. Оннук, Физико-техническай үнстүүккэ оскуола олимпиадатын чэрчитинэн номнуо анал куурустар, БКЭ уустук таһымын садаачатын суоттуурга бэлэмнэнии, Хотугулуу-Илиҥҥи үөрэнээччилэр олимпиада ыытылынна, -диэн үрдүк үөрэх иннинээҕи үөрэхтээһин уонна бэлэмнээһин бакылтыатын декана Светлана Федорова иһитиннэрдэ. -Бастыҥ кыттааччылар Абитуриен оскуолатыгар анал бэлэмээһиҥҥэ ыҥырылыннылар”.

Үөрэнээччилэр үрдүк үөрэх уһуйааччыларын, устуьуоннарын кытары дьарыктаннылар, бэлэмнээһин хайысхатынан үөрэх бырагыраамматын бардылар, ону тэҥэ, ХИБҮ араас хайысхалаах үлэтин кытар билистилэр, устудьуоннар куораттарыгар сырыттылар.

“Маҥнайгы абитуриеөн оскуолата ситиһиилээхтик ыытылынна, оҕлор даҕаны, уһуйааччылар даҕаны астыннылар,-диэн ХИБҮ ФТҮ салайааччыта Надежда Саввинова этэр. - Анкеталааһын түмүгүнэн, кыттааччылар 89% биһиги үөрэхпитигэр, ХИБҮ-гэ туттарсан киирэр баҕалаахтар. Маннык үөрэнээччилэри кытары тус бэйэ, чопчу үлэтэ үчүгэй түмүктээх. Туһалаах профориентационнай үлэ бара турар, ону тэҥэ кэнэҕэски устудьуон буолар дьон хаачыстыбата биллэ үрдүүр”.