ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Петр Павлов

Кыайыылаахха сертификат туттарылынна

16 сентября 2015, 17:40
М.К.Аммосов аатынан Хотугулуу Илиҥҥи федеральнай университет Биир кэлим атыыга ситим (Единая Торговая Система) управлениета тустууну таптааччыларга анаан бэйэтин Интернеккэ сайтыгар (ets.s-vfu.ru) конкурс тэрийэн ыытта. Конкурс усулуобуйатын быһыытынан, кыттааччылар – ыйааһыннарынан чемпионнары уонна Россия хамаандатын чилиэттэрэ биирдии бэйэлэрэ хаһыс миэстэни ылалларын таайыахтаах этилэр.

 

photoByWidth&id=44568&width=1000

Конкурска барыта 140 тустууну сэҥээрээччи кытынна. Түмүккэ кыайыылааҕынан көҥүл тустууга ССРС спордун маастара, Саха АССР үтүөлээх тренерэ, РСФСР норуотун үөрэҕириитин туйгуна Семен Федорович Алексеев буолла. Кини конкурска сөптөөх эппиэттэри биэрэн, хара саҕаланыаҕыттан инники сылдьыбыта. Онтон чемпионат үһүс күнүн түмүгүнэн барыта 11 очкону хомуйан, конкурс кыайыылааҕынан ааттанна. 

Семен Федорович – Хаджи Алиев, Франк Чамизо, Магомедрасул Газимагомедов, Джордан Барроуз, Абдулрашид Садулаев, Таха Акгюль чемпионнуулларын сөпкө эппит уонна россияннар: Виктор Лебедев, Сослан Рамонов, Аниуар Гедуев үһүс миэстэҕэ тахсалларын, итиэннэ Газимагомедовтаах Садулаев кыайалларын таайбыт.

Бүгүн Хотугулуу Илиҥҥи Федеральнай университекка конкурс кыайыылааҕа С.Ф.Алексеевы наҕараадалааһын буолла. Киниэхэ “Виктория” мебель салонуттан 15 000 солк. суумалаах сертификат туттарылынна.

ХИФУ физическэй культураҕа уонна спорка институтун Спортивнай тустууга кафедратын сэбиэдиссэйэ Владимир Гаврильевич Торговкин, Олимпиада иннинээҕи аан дойду чемпионата өрүү ыарахан буоларын, бөҕөстөр ардыгар кистэнэ соҕус, этэргэ дылы “хаартыларын эрдэ аспакка” кытталларын бэлиэтээтэ. Ону бэйэтинэн билэрин, лоп курдук сүүрбэ сыллааҕыта итинник чемпионакка кыттыбытын аҕынна. Дьэ, маннык чемпионакка кыайыылаахтары билгэлээһин сүрдээх уустугун үрдүнэн, Семен Федорович Алексеев 8 ыйааһын чемпионуттан 6-ны сөпкө таайбытыттан үөрэрин эттэ. Итиэннэ конкурсу тэрийээччилэргэ махтанна.

- Маннык хабааннаах конкурсу аан бастаан тэрийэн ыыттыбыт. Итиэннэ дьон көхтөөхтүк кыттыбытыттан сыаналаатахха, бастакы холонуубут табылынна диэххэ сөп, - диир ХИФУ управлениетын начальнига, конкурс сүрүн тэрийээччитэ Александр Августович Герасимов. - Мантан антах өссө маннык конкурстары тэрийэн ыытар былааннаахпыт. Конкурска өссө элбэх спорду таптааччы кыттан, интэриэс улаатарыгар баҕарабын.

PS: Конкурс сорох түмүктэрин уонна кыайыылаах Семен Федорович Алексеевы кытта кэпсэтиини “Дьулурҕан” аныгыскы нүөмэригэр ааҕыаххыт.

photoByWidth&id=44573&width=1000

photoByWidth&id=44570&width=1000

photoByWidth&id=44572&width=1000

 

 

 

Просмотров: 625 Комментариев: 0 Автор: Петр Павлов
Стиль и орфография автора сохранены.
Мнение автора может не совпадать с мнением редакции.

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ