Хой баһын туойбуттар

Бастаан сахалары национализма буруйдуу сатааһынынан, онтон Хоту дойду аччыктаан эрэр диэн аймалҕаны таһаарыынан сөп буолбакка, аны Егор Борисов былыргы үйэтээҕи чубукуну бултаабыт хаартыскатын ойутан аҕалан Интернеккэ таһаардылар.

Бу информационнай саба түһүү хайдах оҥоһуллубут эбитий? Атаака да диэбэккэ, инфомационнай холуннарыы диэххэ. Аан маҥнай Тeh-nomad диэн ааттаах блогер хаартысканы булан Интернеккэ ыйаабыт. Ити суруйууга олоҕуран «Очередной скандал в Якутии: браконьерские увлечения чиновников» диэн төбөлөөх ыстатыйаны аны Регнум диэн агенство бэчээттиир. Манна били бу ый саҥатыгар тахсыбыт ураты харыстанар сир-уот инспектордара кыттыылаах айдааҥҥа аны президеммитин сыбыы сатаабыттар.

Атын блогердар бу Teh-nomad дэнээччи ааптары хантан да кэлбитэ биллибэккэ эмискэ тахсыбыт буолан,сымыйа сураҕы-садьыгы анаан-минээн тарҕатан, онтон аһаан-cиэн олорор диэн уорбалыыллар эбит. Регнумҥа эмиэ соруйан оҥорбуттар быһылаах.

Ити суруйуулары аны олохтоох Интернет сайтар, хаһыаттар хабан ылаллар, бэчээттииллэр. Дьиҥэр, бу тыыхайдааһын сыала-соруга анаан оҥоһуллар «айдааны» улахан федеральнай хаһыаттар, телеканаллар сүһэн ыллыннар, салгыы тарҕаттыннар диэн. Кремль кулгааҕар өссө биир биһиги салалтабыт туһунан соччото суох усках тиийдин диэн. Эмиэ хой баһын туойбуттар.