Кини үлэтэ Өлүөнэ өрүс аннынан тырааныспар турбопроводын тардарга анаммыт. Ити биллэн турар, элбэх кыһалҕаны быһаарарга олук буолуон сөп.

«Дмитрий Спиридонов бырайыага — Өлүөнэ өрүс аннынан сылы эргиччи үлэлиир уу аннынааҕы таһаҕаһы тиэйэр электровоз. 1,5 халыҥнаах трубопроводы өрүс аннынан Мэҥэ Хаҥалас Хаптаҕайыгар диэри тардар санаалаахпыт. Электровоз аккумулятор систиэмэтинэн ыраахтан салайыллан (дистанционно) үлэлиэҕэ. Электровоз хас биирдии вагона 7-8 тоннаны таһар кыахтаах. Биир сырыыга 3 вагон 30 тонна таһаҕаһы тиэйэр. Электровоз тиксэр сиригэр таһаҕаһы тиэйэр станциялар тутуллуохтаахтар», – диир колледж уһуйааччыта, салайааччы  Николай Пахомов.

Комиссия бу инновационнай бырайыагы СР Правительствотын дьүүллэһиитигэр киллэрбит. Бырайыак ааптара  Дмитрий Спиридонов ааҕарынан бу тутууга 160 мөл.солк. наада. Оттон Өлүөнэни туоруур муоста сыаната 40 млрд. солк.

«Бу колледж эрэ муҥутуур улахан ситиһиитэ буолбатах. Бу — бүтүн ХИФУ кыайыыта-хотуута. Бу олус интэриэһинэй уонна улахан кэскиллээх бырайыак. СР Правительствотыгар маны өйүөхтэрэ диэн эрэнэбит», – диир студент салайааччыта Николай Пахомов.