Ыалдьааччылар күөмэй бүтүөр диэри хаһыытаан күрэх кыттааччыларын күүскэ өйөөтүлэр. Дьаархан баһылыга А. Иванов көрдөөх оонньуулар кэннэ итии чэйдээх, толору астаах остуолга ыҥыран хас биирдии ыалдьыкка «Я люблю Жархан» диэн суруктаах курууска бэлэхтээтэ.

Бу кун киэһэ 7 чааска Дьаархан кулуубугар нэһилиэнньэ тоҕуоруһа муһунна. Улуус баһылыга Б. Попов Дьаархан бэтэрээннэригэр итии-истин эҕэрдэтин эттэ, кыра сэмэй бэлэхтэри туттартаата.

Нэһилиэк талааннаахтарын кытары холбоон олус үчүгэй, өрө күүрүүлээх эҕэрдэ кэнсиэри көрөн дьон-норуот дуоһуйда. Улуус дьаһалтатын эдэр специалистара дьэрэкээн үнкүүлэринэн кэнсиэри тупсардылар, олохтоохтору кэрэхсэттилэр.Дьаархан эдэр ырыаһыттара кэрэ куоластарынан көрөөччүлэри дуоһуттулар.

Сцена бэтэрээнэ, улуус бэтэрээннэрин сэбиэтин бэрэссэдээтэлэ Ким Федоров доҕордоһуу алгыс оһуохайынан табаарыстыы көрсүһүүнү түмүктээтэ.