Республика президенин уонна правительствотын дьаһалтата маныаха олус көхтөөхтүк кыттыбытын бэлиэтиир наадалаах. Тэрилтэ үлэ, социальнай сайдыы республикатааҕы министиэристибэтин анал счетугар 304 тыһ. солк. ыытта.

Государственнай Мунньах (Ил Түмэн) апараатыттан, «ЯТЭК» ААО, «Сахатранснефтегаз» ААО, Госэкспертиза управлениетыттан, «Якутгазпроект» ХЭТ, «Комдрагметалл» ГУП, «Якутгазпромпроект» ХЭТ, «ДСК» ААО улахан көмө оҥоһулунна.

Муниципальнай оройуоннар уонна нэһилиэктэр баһылыктара, промышленнай, социальнай тэрилтэлэр, орто, үрдүк үөрэх кыһалара, оскуолалар, балыыһалар, оҕо садтарын үлэһиттэрэ Крым олохтоохторун өйүүр туһунан ыҥырыыга бастакынан кыттыспыттара.

Элбэх үп-харчы боростуой дьонтон киирдэ. Кинилэр биэрбит харчылара 1-34 тыһ. солк. диэри халбаҥныыр. Хоту сир дьоно ыалдьытымсах, бэйэ-бэйэҕэ көмөлөһөр үтүө үгэстэрэ хаала илигин туоһулуур.

СР үлэҕэ, социальнай сайдыыга министиэристибэтиттэн иһитинэрбиттэринэн, Крым дьонугар анаммыт счекка үп-харчы дьонтон-сэргэттэн өссө да киирэ турар.