Ону кытта тэҥҥэ республика уонна олохтоох суолталаах массыына суолларын аһыы былааннаахтык ыытыллар. 55 суол учаастактарыттан уонна мууһунан туорааһыннартан билиҥҥи кэмҥэ 42-тэ аһылыннылар.

Атын учаастактарга былаан быһыытынан бэлэмнэнии үлэлэрэ ыытыллаллар. Ол иһигэр Аллайыаха уонна Аллараа Халыма, Омолой өрүс төрдүттэн Уус-Дьааҥы улууһун Севернай уонна Булун улууһун Тиксии бөһүөлэктэригэр диэри.

Өлөөн уонна Анаабыр улуустарыгар суол – тохсунньу 10 күнүгэр аһыллыаҕа. Кэбээйи, Хаҥалас, Өлүөхүмэ, Ленскэй уонна Уус-Алдан улуустарыгар – тохсунньу 15 күнүгэр аһыллаллара былааннанар.

Абый улууһугар 1.674 тонна таас чох тиэрдилиннэ. Күбэргэнэ нэһилиэгэр таас чоҕу 41,9 тонна дизельнай оттугунан солбуйдулар.

2013-2014 сылларга кыстык бүтүөр диэри чох олоччу тиэрдилиннэ. Уолбут уонна Оттоох-Атах нэһилиэктэригэр былааннаах чох тиэрдиитэ салҕанар.

Суудуналар тохтоон турар сирдэриттэн контейнердартан аһы-үөлү, тутуу матырыйаалын, оборудованиены тиэйии ыытыллар.

Абый улууһун Сыаганнаах уонна Күбэргэнэ нэһилиэктэригэр «Саханефтегазсбыт» ААО күүһүнэн кыһыҥҥы кэмҥэ массыынаны саппараапкалыыр АЗС контейнердара туруорулуннулар.

«Сахаэнерго» ААО Хаандыгаттан Муома улууһун Хонуу уонна Түбэлээх (Чуумпу-Кытыл) нэһилиэктэригэр 40 тонна дизельнэй оттугу тириэртэ.

Верхоянскай улууһун Сайдыы таас чоҕу тиэйии саҕаланна. Баатаҕайга 662 тонна чох тиэрдилиннэ.

Тохсунньу 4 күнүнээҕинэн «Якутоптторг» ААО уонна «Туймаада-Агроснаб» ААО салгын транспорынан аһы-үөлү уонна хортуоппуйу, оҕуруот аһын тиэрдэн бүттэ (хаппыыста, моркуоп, сүбүөкүлэ).

2013 сылга барыта 430,8 тонна социальнай суолталаах ас-үөл 14 улуустарга – Абый, Аллайыаха, Муома, Уус-Дьааҥы, Верхоянскай, Эбээн-Бытантай, Кэбээйи улууһун Сэбээн-Күөлүгэр, Эдьигээн, Аллараа Халыма, Орто Халыма, Үөһээ Халыма, Анаабыр, Өлөөн уонна Булун тиэрдилиннэ.

Итини таһынан 189,7 тонна оҕуруот аһа 12 улууска - Абый, Аллайыаха, Муома, Уус-Дьааҥы, Верхоянскай, Эбээн-Бытантай, Эдьигээн, Аллараа Халыма, Орто Халыма, Анаабыр, Өлөөн уонна Булун илдьилиннэ.

2013 сыллаахха салгын транспорынан 587,2 тонна таһаҕас тиэрдиллэрэ былааннанар. Сыла саҕаланыаҕыттан барыта 252 рейс оҥоһулунна, 620,4 тонна ас-үөл илдьилиннэ, ити былаан 105,7%-на.