«Республикаҕа орто температура нуормаҕа сөп түбэһэр. Саха сирин киин уонна арҕаа өттүгэр нуорматтан биир кыраадыһынан үрдүк. Сөҥүү түһэрэ эмиэ баар нуораматтан аһара тахсыа суоҕа», - диэн СИА-ҕа кэпсээтэ гидрометеорология отделын начальнига Юрий Дихтяренко. Оттон ыйы уопсайынан ылан көрөр буоллахха, ити сабаҕалааһын 70% сөп. Саха сирин киин оройуоннарыгар арҕааттан циклон кэлэн турар. Киин уонна арҕаа өттүгэр +14-16 кыраадыс, арктика түөлбэтигэр — +3-6.

«Бэс ыйын саҕаланыыта куйаас буолбут кэмэ баара. Онтон тымныйан баран кэлин сылыйар этэ. Бу нэдиэлэ бүтүүтэ Хабаровскай кыраайтан сылаас кэлиэҕэ. Онно билигин +29. Биһиги ааҕыыбытынан буоллаҕына, өрөбүл күн +25, оттон бэнидиэнньиккэ +29 кыраадыс буоларын күүтэбит», - диэтэ кини.

Саха сирин киин улуустарыгар бу нэдиэлэ тымныы буоларын идэлээх дьон сабаҕалыыллар.