Тутааччы «Региональное развитие» ХЭТ. СИА корреспондена компания салалтатын кытта сибээстэспит. Онно:  «Умайбыт дьиэни кытта каркаснай-монолитнай дьиэни тутуу ыксалаһа турар. Таас дьиэни тута сылдьыбыт үлэһиттэр умайбыт дьиэҕэ олохсуйбуттара. Дьон дьалаҕай быһыыта иэдээҥҥэ тиэртэ», - диэтилэр компанияттан.

Тэрилтэ дириэктэрэ  Альберт Васильев оруобуна баһаар кэмигэр Дьокуускайга сылдьыбыт. Эбийиэк страховкаламматаҕын туһунан кини СИА корреспонденыгар эттэ. Бырайыак быһыытынан дьиэ 16 квартиралаах буолуохтаах эбит. "Мантан аҕыс дьиэ уокка былдьаммыт дьиэлээхтэргэ, атыныгар эргэ дьиэлээхтэр көһүөхтээхтэрэ», - диэтэ кини.