2014 сыл тохсунньутугар Саха сирин баһылыгын дуоһунаһын быстах кэмҥэ толорооччу Егор Борисов иһитиннэриитин бииригэр өссө 600 чунуобунньугу үлэтиттэн тохтотор туһунан этэн турардаах.

Республика баһылыга 2011 сылга ыам ыйыгар ылыммыт ыйааҕар Саха сиригэр чунуобунньуктар ахсааннарын 2831 киһиэхэ, 2014 — 2403 тиэрдэр туһунан эппитэ. 2012 уонна 2013 сылларга чунуобунньук ахсаана биллэ аҕыйаабыта. 2013-2015 с.с сыл аайы госсулууспалаахтар 5 бырыһыаннара аҕыйыаҕа диэн буолбута.

2002 сылтан ыла аҕыс сыл устата чунуобунньуктар ахсааннара элбии, эбиллэ турбута. 2002 сылга 11975 чунуобунньук баар эбит буоллаҕына, ити көрдөрүү 2006 сылга — 15635, 2008 — 18215 буолбута. Оттон 2013 сыллааҕы көрдөрүү 14242 киһи.

Уһук Илин регионнарыгар Саха сирэ чунуобунньуктары аҕыйатыыга көрдөрүүтэ куһаҕана суох. 2011 сылтан 2013 сылга диэри Амур уобалаһыгар 137 чунуобунньук «сарбыллыбыт», Хабаровскай кыраайга — 335, Магадаҥҥа — 113 киһи.