Ити туһунан тыа хаһаайыстыбатын миниистирэ Иван Слепцов республика президенигэр буолбут мунньахха эттэ.
Ону сэргэ кини улуустарга 30 сылгы базатын уонна 5 модульнай эти астыыр сыахтары тутуу ирдэнэрин бэлиэтээтэ. Итини таһынан сылгы собуоттарын үс сылга субсидиялааһын туһунан эттэ, ити туора сылгыны иитиини хаарчахтыа уонна племенной сылгылар хаачыстыбаларын үрдэтиэ диэтэ.  Сылгыны иитиини сайыннарыыга аҥардас 2014 сыллаахха барыта 124,2 мөл солкуобай көрүллүөҕэ.

Кини этэринэн,  республика үрдүнэн 2020 сыллаахха кулун  дьыалабыай тахсыыта 65%-тан уонна сылгы ахсаанын харайыы 90%-тан итэҕэһэ суох, эти оҥоруу урукку 8,75 тыһыынча тоннаттан  11,36 тыһ тоннаҕа, кымыһы кутуу —  32 тоннаттан 40 тоннаҕа тиийиэхтээх.

Түмүккэ, Саха сирин президенэ Егор Борисов Минсельхоз былаанын сүнньүнэн өйөөтө, салааны государство өйөөһүнэ кэлиэхтээх үрдээһини учуоттуохтаах диэн бэлиэтээтэ. «Республика итинник үбү быстах кэмҥэ көрүөхтээх», - диэтэ.