Бу рейскэ барыта 39 авиабилиэт атыыламмыта. Ол эрээри, Черскэйтэн Дьокуускайга диэри 28 эрэ киһи көттө. 11 киһи көтөр аал трабыгар да үктэммэтэ.

Олохтоох аэрофлот үлэһиттэрин дьон улаханнык сэмэлиир. Үлэһиттэр «Якутия» авиакомапнияны кытта быһаарса сатыыллар. Аллараа Халыма улууһун баһылыга  Иван Суздалов салгын тырааныспарын департаменын салайааччытын солбуйааччыга  Виктор Боговковка суругунан Черскэйгэ Ан-140 самолету биэрэр эбэтэр эбии рейси оҥорор туһунан көрдөстө. Государственнай Мунньах (Ил Түмэн) депутата  Владимир Членов, оройуон депутаттара эмиэ итинник көрдөһүүлээхтэр.

Аллараа Халыма олохтоохторо быһыы-майгы уустугун билэллэр, өйдүүллэр. Ол эрээри, кинилэр уоппускаларын кэмигэр сынньанар, үөрэххэ, эмтэнэ барар кыахтара улаханнык харгыстанар.

Дьокуускайга диэри рейскэ бүгүн 34 билиэт атыыланна эрээри, пассажирдар бары көтөллөрө саарбахтардаах.