Быыбар киин хамыыһыйатын иһитиннэриитинэн,  Егор Борисов от ыйын 29 күнүгэр ирдэниллэр докумуону барытын киллэрбит: үп-харчы отчуота, омук дойдуларын бааннарыгар счет суоҕун туоһулуур сибидиэнньэ, Федерация Сэбиэтигэр кандидаттар тустарынан информация, муниципальнай тэриллиилэр баһылыктарын уонна депутаттарын кандидаты өйөөн илии баттааһыннара.

Быыбар киин хамыыһыйатын чилиэнэ  Екатерина Кладкина  эппитинэн, илии баттааһыны хомуйууга федеральнай уонна өрөспүүбүлүкэ сокуоннара тутуһуллубуттар. Иһитиннэрии кэнниттэн Саха сиринээҕи быыбар киин хамыыһыйатын бэрэссэдээтэлэ  Анатолий Кривошапкин Егор Борисовка кандидат дастабырыанньатын туттарда. 

Саха сирин олохтоохторо өрөспүүбүлүкэ баһылыгын 2014 сыл балаҕан ыйын 14 күнүгэр — быыбар биир күнүгэр талыахтара.