Атыы-эргиэн промышленнай регионнар икки ардыларынааҕы XVI-с дьаарбаҥкаҕа Уһук Илиҥҥэ Саха сирин бэрэстэбиитэлэ Георгий Никонов, Амма, Мэҥэ-Хаҥалас улуустарын баһылыктара, о.д.а. кытыннылар.

«Мунньахха кыттыбыттар тыа хаһаайыстыбатын, үбүлээһини, госбырагыраама олоххо киириитин дьүүллэстилэр. Сири туһаҕа таһаарыы, таба иитиитин сайыннарыы болҕомто киинигэр турда. Көрсүһүү кэмигэр түһэрсиллбит дуогабар чэрчитинэн, Хабаровскай кыраайга тыа хаһаайыстыбатынан дьарыктанар дьон эһиил Аммаҕа кэлэннэр үүтү астыырга уопуту атастаһыахтара», - диэн СИА-ҕа эттэ Уһук Илиҥҥа Саха сирин бэрэстэбиитэлистибэтин информационнай киинин кылаабынай специалиһа Татьяна Бусева.

Сарсын, балаҕан ыйын 25 күнүгэр дьаарбаҥкаҕа кыттар регионнар экспозицияларын көрдөрүөхтэрэ. Саха сирэ эмиэ бэйэтин экспозициятын туруоруоҕа.