9 ый түмүгүнэн бюджет дохуоттаах чааһыгар нолуоктан уонна федеральнай тус сыаллаах үптэн-харчыттан 3,3 млрд.солк. киирбит. Федеральнай киинтэн тус сыаллаахтык бэриллибит үп-харчы дьону эргэ дьиэлэртэн көһөрүүгэ туһаныллыбыт.

Нолуоктан киирбит дохуот  - 5,5 мөл.солк. үлэ төлөбүрүн фондатын үрдэтиигэ анаммыт. Итиннэ эбии 2 млрд. 555 мөл.солк. бэриллибит.

ДьКХ салаатыгар эбии 2 млрд. 400 солк. көрүллүбүт.  

Өрөспүүбүлүкэ бюджетын дохуота 150 млрд. 300 мөл.солк., ол эрээри ороскуот уонна дохуот араастаһаллар. Ороскуот 15 млрд.солк. дохуоту аһара барбыт уонна 165 млрд. 500 мөл.солк. буолбут.

Үп миниистирэ Валерий Жондоров СИА-ҕа бюджет дефицитэ улааппытын уонна былырыыҥҥы көрдөрүүнүн куоһарарын туһунан эттэ. Кини ааһан эрэ сыл уонна кэлэр сыл балачча уустук буолуохтарын бэлиэтээтэ.

"1 млрд. 443 мөл.солк. бюджет кредлитин РФ үпкэ министиэристибэтиттэн ылар соруктаахпыт. Ити бюджет дефицитин үбүлүөҕэ", - диэтэ Валерий Жондоров.