Бу бэлиэ күн аман алгыс этилиннэ, хомус дьүрүһүйдэ. Манна Амма улууһун, Саха сирин бастайааннай бэрэстэбиитэлистибэтин, Красноярскай кыраай, Ненецкэй, Ямло-Ненецкэй уокурук, Одинцовскай оройуон дьоно-сэргэтэ сырыттылар.

 Сэргэни туруоруу үөрүүлээх тэрээһинигэр Арктика регионнарын ситимниир акция бэлиэтэ — дүҥүрү бэрсии сиэрин-туомун толордулар. Бу акция салҕанан барар. Саха сирин ойуулаан-дьүһүннээн көрдөрөр дүҥүрү Саха сирин бастайааннай бэрэстэбиитэлистибэтин салайааччыта Юрий Заболев Красноярскай кыраай дьонугар биэрдэ. Дүҥүр регионнарынан сырыыта Ненецкэй автономнай уокуруктан саҕаламмыта уонна Арктика дойдуларын кэрийэн манна төннөн кэлиэхтээх.

Дүҥүрү ойуулаабыт-дьарҕаалаабыт худуоһунньук Юрия Голиков уруһуйдарын быыстапкатын «Бэс Чагдаҕа» туруорда.

 Тэрээһиҥҥэ кэлбит ыалдьыттар оһуохайдаатылар, сахалыы аһы амсайдылар.