Ыксаллаах быһыыга-майгыга хорсуннук быһыыламмыт уолаттары сэтинньи 6 күнүгэр ЫБММ баһылыга Владимир Пучков  «Россия быыһааччыларын сойууһа» уопсастыбаннай тэрилтэ бэрэссэдээтэлэ, РФ Федерация Сэбиэтин бэрэссэдээтэлин солбуйааччы Юрий Воробьев эҕэрдэлээтилэр.

Бу оҕолор тыҥааһыннаах түгэҥҥэ уолуйбакка, хорсун быһыыны уонна сөптөөх көмөнү оҥорбуттар.

Россия 13 регионуттан 20 хосун оҕону бу күн чиэстээтилэр-бочуоттаатылар. Кинилэри «Быыһыырга хорсун быһыы иһин» мэтээллэринэн, грамоталарынан уонна бэлэхтэринэн наҕараадалаатылар. Бу чиэстэммит оҕолор оротолоругар ууга түһэн эрэр кыыһы өрүһүйбүт Вадим Заболоцкай уонна Денис Иванов бааллар.

Тимирэн эрэр кыыһы ууттан хостоон баран уолаттар бастакы медицинскэй көмөнү оҥорбуттар: искууственнайдык тыын киллэрбиттэр, «Суһал көмө» кэлиэр диэри күүс-көмө буолбуттар.