Полиция үлэһиттэрэ быһаарбыттарынан, быһылааҥҥа үс киһи кыттыгастааҕа билиннэ. Урукку өттүгэр бу сапараапкаҕа үлэлии сылдьыбыт киһи икки киһини травматичеай бэстилиэтинэн хааччыйбыт уонна бу сапараапкаттан тиийэн харчыны былдыылларыгар сорудахтаабыт. Тэрийээччи бэйэтэ урукку өттүгэр сууттана сылдьыбыт. Ол эрээри, бу быьылааҕҕа кыттартан аккаастаммыт. Бу икки киһи  сарсыарда эрдэ саппараапкаҕа тиийбиттэр. Биирдэрэ травматическай бэстилиэтинэн куттаан харчы көрдөөбүт. Онуоха манна үлэлиир  51 саастаах киһи бас бэриммэтэх. Киирбит киһи үстэ ыппыт, онтон  биир буулдьата үлэһит төбөтүгэр түспүт. Бэстилиэт тыаһын  истэн, саппараапка атын үлэһиттэрэ кэлиилэригэр буруйдахтар  таһырдьа кэтэһэн турар массыынаҕа олорсон куоппуттар.

Билигин бу дьыаланы тэрийээччини туттулар. Икки кыттыспыт дьонугар бөлөҕүнэн саба түһүүгэ буруйдаатылар. Кинилэр оҥорбут дьыалалларыгар тилэри  билиннилэр. Силиэстийэ бара турар. Бу туһунан сиэлиэстийэлиир управление салайааччытын көмөлөһөөччүтэ  Н. Дворецкая  кэпсээтэ.