- Саҥа уопсай дьиэ символическай күлүүһүн "Спланс" ХЭТ инженерэ Николай Попов нэһилиэк баһылыгар Алексей Игнатьевка туттарда. СР Тутууга министрин бастакы солбуйааччы Павел Аргунов, улуус баһылыгын социальнай боппуруостарга солбуйааччы Иван Птицын, улууска тутуу уонна архитектура управлениетын салайааччыта Александр Куличкин, нэһилиэк баһылыга Алексей Игнатьев, "Спланс" тэрилтэ инженерэ Николай Попов уонна саҥа дьиэ комендана Александр Сергеев аалай лиэнтэни быстылар.
- 20 миэстэлээх интернат символическай күлүүһүн бэдэрээччит Антон Варламов оскуола директорын эбээһинэһин толорооччу Туйаара Пономареваҕа туттарда.
- Интернат сылаас, сырдык, сабыс саҥа мебеллээх хосторугар эһиилги үөрэх дьылыттан физико-математическай хайысханан талааннаах оҕолор талыллан киириэхтэрэ. Билигин Амма Сатаҕайыттан, Мэлдьэхситтэн, Мооруктан, Майаттан уонна Дьокуускай куораттан үөрэнэ кэлбит оҕолор саҥа интернат бастакы иитиллээччилэринэн буоллулар.
- Интернаты туттарыыга уопсайа 14 мөлүйүөн солкуобай, уопсай дьиэҕэ 6 мөлүйүөн 600 тыһыынча солкуобай үп көрүллүбүт.
- Бүтэйдээхтэр бэйэлэрин уоллара, тутууга уонна архитектураҕа министри бастакы солбуйааччы Павел Аргунов СИА корреспонденыгар: "Атын нэһилиэктэргэ тэҥнээтэххэ, Бүтэйдээхпит кэнники сылларга балачча сайынна. Аны билигин оҕо саадын тутуу боппуруоһа быһаарылларыгар үлэни-хамнаһы ыытыахпыт", - диэн эттэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети