- Үөрүүлээх тэрээһин бочуоттаах ыалдьыттара - Далан кэргэнэ Яна Викторовна, кыыһа Лолита Васильевна уонна сиэнэ Оля - оскуола музейыгар харахтарын харатын курдук харыстаан илдьэ сылдьыбыт дьиэ кэргэн биир ытык реликвиятын - Василий Семенович уруучукатын - бэлэх ууннулар.
- Лолита Васильевна: «Бу уруучуканы аҕабытыгар ийэбит 1969 сыллаахха бэлэхтээбитэ. Дьиэ кэргэммит сыаналаах малынан буолар. Олохтоохторго, оскуолаҕа аҕабыт сырдык аатын үйэтитэргит, ийэбит туһугар кыһамньыгыт иһин махтанабыт», - диэн туран бэлэҕин оскуола директорыгар Вячеслав Яковлевка туттарда.
- Психологическай наука доктора, СР наукатын үтүөлээх деятелэ Анастасия Оконешникова Василий Семенович бюһун оскуолаҕа туруорбуккут олус улахан иитэр суолталаах диэн бэлиэтээтэ. «Тоҕо киһи чугас дьонун хаартыскатын куруутун көрө сылдьарый, истиэнэҕэ ыйаан туруорарый? Тоҕо диэтэххэ ол мэтириэттэри көрдөхпүтүнэ, кинилэр иннилэригэр эппиэтинэспитин өйдүүбүт, кинилэр ааттарын салгыы ааттатарга кыһаллабыт. Оҕоҕо кыра да наада. Кинини элбэхтэ такайбакка, көрдөрөн иитиэххэ. Бу бюһу үчүгэйдик көрдөрүөххэ, бу хаартысканы, ити уруучуканы көрдөрүөххэ. Оччотугар ыччаттарбыт Далан курдук дьоһун дьон буола улаатыахтара», - диэн кини эттэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети