«Нэһилиэк тэриллиитигэр кимнээх сыраласпыттарын, хара көлөһүннэрин тохпуттарын туһунан эдэр ыччат билиэн баҕарабын. Маныаха кырдьаҕастар миэхэ элбэҕи кэпсииллэрэ. Туруу үлэһит дьоннорун-сэргэлэрин туһунан, араас кыһалҕалары, үлэни-хамнаһы, онтон да атыны. Олору тиһэн киллэрдим, -- диэтэ суруйааччы.

Кинигэни билиһиннэрэр киэһэҕэ ааптары  биир дойдулаахтара истиҥник эҕэрдэлээтилэр, айымньылаах үлэтигэр ситиһиилэри баҕардылар.

Сэргэх көрсүһүүнү улуустааҕы библиотека үлэһиттэрэ Валентина Колесова, Людмила Колесова уонна Булгунньахтаахтааҕы филиалын сэбиэдиссэйэ Зинаида Рыгунова тэрийэн олохтоохтор махталларын ыллылар.