СИА-ҕа регионнааҕы ЫБММ-ҕа иһитиннэрбиттэринэн, баһаары умуруора Тиит Арыы, Улахан Аан баһаарынай чаастара, Тумул баһаарынай дружината уонна Покровскайтан «Хаҥалас улууһа» МО 37 №-дээх государственнай баһаары утарар сулууспатын этэрээтэ тиийбиттэр.
Билигин уоту умуруора сылдьаллар. Баһаар биричиинэтэ, хоромньу кээмэйэ уонна буруйдаах быһаарыллаллар.
Үөрэнээччилэри дьиэлэригэр тарҕаттылар. Тиит Арыы дьаһалтатыгар эппиттэринэн, хочуолунай толору чөлүгэр түһэриллиэр диэри, оҕолор кулууп дьиэтигэр үөрэниэхтэрэ.
Манна даҕатан эттэххэ, хочуолунай бу иккис умайыыта, быйыл олунньу 7 күнүгэр манна эмиэ уот тура сылдьыбыта.
Комментарии
Авторизация на сайте через социальные сети