- Бу күн Тиит Эбэ олохтоохторугар «Чолбон» сурунаал үлэһиттэрэ: Государственнай бириэмийэ лауреата Николай Винокуров-Урсун, народнай суруйааччы Семен Попов-Тумат, Иван Осипов-Ойуур, Анна Варламова-Айысхаана ыалдьыттаатылар.
- Культура киинигэр мустубут дьон-сэргэ суруйааччылар тылларын-өстөрүн иһиттилэр, интэриэһиргиир боппуруостарын ыйыталастылар.
- Суруйааччы Иван Осипов-Ойуур ыччат дьоҥҥо туһаайан: «Саха классик-суруйааччыларын айымньыларын элбэхтэ ааҕыҥ. Алампа, Амма Аччыгыйа, Далан уо. д. а. суруйууларыттан тылбыт сүмэтин сомсуҥ, тылгытын-өскүтүн чочуйуҥ», - диэн эттэ.
- Кэпсэтиигэ нэһилиэк баһылыга Сергей Прокопьев, Суруналыыстар сойуустарын чилиэннэрэ Алексей Третьяков, Ермолай Скрябин кыттан саха тылын, литературатын туһунан санааларын үллэһиннилэр.
- Оҕо уһуйаанын иитиллээччилэрэ, орто оскуола, санаторнай оскуола үөрэнээччилэрэ, учууталлар ырыа ыллаан, хоһоон ааҕан, үҥкүүлээн дьоро киэһэ силигин ситэрэн биэрдилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети