Бастаан Ослоҕа куорат ратушатыгар Норвегиятааҕы нобелевскай комитет председателэ Малал Юсуфзайга и Кайлаш Сатьяртхига Эйэ бириэмийэтин туттарыаҕа.

Онтон түөрт чаас буолан баран Стокгольмҥа Нобелевскай бириэмийэ быйылгы лауреаттарыгар: медицина уонна физиология эйгэтигэр – Джон О'Кифуга и кэргэннии Мозердарга; физикиҕа – Исаму Акасакига, Хироши Аманоҕа уонна Сюдзи Накамураҕа; химияҕа – Ерик Бетцига, Стефан В. Хеллга уонна Уильям И. Мернерга; литератураҕа – Патрик Модианоҕа уонна экономика эйгэтигэр Швеция Баанын бириэмийэтэ – Жан Тиролюга туттарыллыахтара.

Харчынан бириэмийэни (8 мөлүйүөн Швеция крона, биитэр 1,1 мөлүйүөн АХШ доллара) кытары лауреат Нобелевскай мэтээли уонна бастыҥ худуоһунньуктар киниэхэ эрэ анаан оҥорбут дипломнарын ылыаҕа. Үөрүүлээх тэрээһин Стокгольм ратушатыгар Нобелевскай банкетынан түмүктэниэ.