Ол курдук, нэһилиэккэ аныгы модульнай хочуолунай үлэҕэ киирдэ. Хочуолунай таҥыллыыта ыарахаттардаах этэ. Куйдуһуну туоруур муоста сууллан, тутуу матырыйаалын таһыы уустугурбута. Бастаан тимир турбалары халааннаары турар, онтон уолан хаалбыт үрэҕи нэһилиэк эр дьоно санныларыгар сүгэн туораппыттара. Муоста кэмигэр оҥоһуллубакка, Куйдуһун үрэх тоҥон биэрбэккэ, аны чоҕу тиэйиигэ уустуктар үөскээбиттэрэ.

Бу тухары нэһилиэк баһылыга Иван Максимов иһитиннэрэр-биллэрэр средстволары кытта ыкса билсэ олорбут буолан, дьыала хайдах салаллан иһэрин улуус олохтоохторо эрэ буолбакка, өрөспүүбүлүкэ барыта кэтии олорбута диэтэхпинэ сыыспатым буолуо.

Биллэн турар, тымныы оройугар, кыстык ортото киирбит буолан, бастакы кэмҥэ уустуктар бааллар, ол эрэн олохтоохтор саҥа хочуолунайдарыгар эрэллэрэ улахан.