Хотугу улуустарга оҕуруот аһын уонна хортуоппуйу тиэрдии хаамыыта республика народнай депутаттарын астыннарбат. Ил Түмэн бастакы вице-спикерэ Анатолий Добрянцев былаастары ити боппуруоска бэрээдэги киллэрэргэ ыҥырда.

Парламент истиилэригэр хоту дойду олохтоохторо уруккутун курдук, «Туймаада-Агроснаб» ААО тиэрдиини тохпутуттан, сибиэһэй оҕуруот аһа уонна хортуоппуй тиийбэтиттэн эрэйдэнэллэр, диэн бэлиэтээтилэр.

Уочараттарга дьон илиилэрин-ойоҕосторун тоһуталлар — итинник түгэннэр баалларын олоҕу хааччыйыы Госкомитетыгар уонна парламеҥҥа иһитиннэрдэ. «Итини барытын Арктическай оройуоннарга тиэрдээччигэ — Якутоптторга сүктэрэр этии баар. Сүбэлэри ылыныахха, Минсельхоһу кытта ырытыахха. Оччоҕуна мин санаабар, тиэрдии ордук тупсуоҕа», - диэн кини эбэн эттэ.

Санатан эттэххэ, арктическай улуустарга сүрүн таһаҕаһы тиэрдээччилэринэн «Якутопторг» ААО уонна «Туймаада-Агроснаб» ААО буолаллар. Ити тэрилтэлэр ночоотторун республика бюджета уйунар. Холобур, кэнники биэс сылга аһы-үөлү тиэрдиигэ ночооту сабыы 996 мөл солк тэҥнэстэ.