Улуус дьаһалтата, «Иһирэх түмсүү» тэрийбит тэрээһиннэригэр саха саҥалаах ытыгылыыр дьоно Галина Попова-Санаайа, Александр Саввинов-Алгыстаах Өлөксөөн, сахалыы бикипиэдьийэ түһэ Николай Павлов, культура министрин солбуйааччы Николай Макаров, историческай наука кандидата Афанасий Николаев, улуус баһылыгын э.т. Владимир Афанасьев, улуус Мунньаҕын бэрэссэдээтэлэ Борис Протодьяконов, музей директора Павел Харитонов-Ойуку, кыраайы үөрэтээччи Прокопий Ноговицын уо.д.а. кытыннылар.

Кэпсэтии кыттыылаахтара олоӊхо курдук улуу духуобунай айымньыны айбыт саха омук түҥ былыргыттан араас үтүргэни, ыараханы туораан кэлбитин, ол тухары үрдүк итэҕэлин тулҕадыппакка, өрө тутан илдьэ сылдьарын бэлиэтээтилэр, итэҕэлбитин, таҥарабыт, айыыбыт  үөрэҕин — киhи киhиэхэ, айылҕаҕа тапталынан, наар үчүгэйинэн эрэ сыhыаннаhар үөрэҕин - тарҕатыаҕыҥ диэтилэр. Ыччаппытыгар, кэлэр көлүөнэлэрбитигэр атын норуоттары кытта тэҥҥэ сайдар, олорор суолларын оҥоруоҕуҥ, аартыктарын аһыаҕыҥ, оччоҕуна эрэ дьиӊнээх духуобунай, сырдык санаалаах норуот буолуохпут, атын омуктарга ытыгыланыахпыт диэн санааларын үллэһиннилэр.