Бытовой секторга уоту элбэхтэ уоран туһаммыттара билиннэ. 51 мөл.солк. суумаҕа аакта оҥоһуллубутуттан 40 мөл.төннөрдүлэр.

Энергосбыт инспектордара ааспыт сылга юридическай сирэйдэр уоту туһаныы бэрээдэгин 854 кэспиттэрин быһаарбыттар. Уопсайа 85 мөл.солк. суумалаах 13 мөл.кВтч кээмэйдээх электричествоны уоран туһаммыттара биллибит. 2013 сыллааҕы иэһи киллэрэн туран 91 мөл.солк. төннөрбүттэр.

Электричествоны уоран туһаныы иһин административнай уонна холуобунай эппиэтинэс баар. 2014 сылга 124 киһи итинник эппиэтинэскэ тардыллыбыт.

Административнай быраабы кэһии кодексатынан уоту көҥүлэ суох туһаныы иһин ыстарааптыахтарын сөп. Биирдиилээн дьоҥҥо (физическэй сирэйдэргэ) ыстараап 3-4 тыһ.солк., дуоһунастаахтарга 6-8 тыһ.солк., юридическэй сирэйдэргэ 60-80 тыһ.солк.

Электроэнергияҕа көҥүлэ суох холбонуу ыстараапка тиэрдэр эрэ буолбатах, олоххо, доруобуйаҕа кутталы үөскэтэр.

Электрическэй уоту уоран туһаныы түбэлтэтин туһунан билэр буоллаххытына, «Якутскэнерго» ААО 49-70-00 нүөмэригэр эрийэн биллэриэххитин сөп.