Малааһыҥҥа улуус баһылыга А.Е.Мандаров, СР юстицияҕа государственнай комитетын бэрэссэдээтэлэ С.М.Гурьева, үөрэх управлениетын начальнига А.В.Яковлева, тутуу бэдэрээтчитэ, «Жиганскстрой» МАУ директора Ю.А.Слепцов, «Эдьигээн эбэҥки национальнай нэһилиэгэ» МТ баһылыга В.Н.Сорокин, алгсчыт У.В.Ханчаева, о.д.а. сырыттылар.

«Сахам сирэ XXI үйэҕэ» республикатааҕы үтүө дьыала хамсааһын чэрчитинэн ыытыллыбыт тутууну «Якутскнефть» ХЭУо (директор Е.Е.Афонскай) биир сыл иһигэр үмүрүтэн үлэҕэ киллэрдэ. Үтүө хамсааһын бюджетыттан 4 мөл. 671 тыһ., олохтоох бюджеттан 6 мөл. солкуобай көрүллүбүтэ.

Үөрүүлээх тэрээһини оҕо саадын иитиллээччилэрэ ыллаан, үҥкүүлээн киэргэттилэр.