Үтүө холобуру батыһан, аны улуус эдэр педагогтара ассоциация тэриннилэр. Ол туһунан кэпсэтэр сүбэ мунньахха нэһилиэк оскуолаларын учууталлара, «АЛРОСА» КСК үлэһиттэрэ, Хаандыгатааҕы оҕо искусствотын оскуолатын преподавателлэрэ о.д.а. кытыннылар.

-- Биһиги мониторинынан учууталлар үлэлэрин-хамнастарын, туох сонун сүүрээни киллэрэллэрин, эдэр педагогтар кэлиилэрин, о.д.а. билэ-көрө олоробут. Онон сирдэтэн, хас биирдии үөрэх тэрилтэтигэр эдэр үлэһиттэргэ настаабынньык аныыр наада диэн быһаарбыппыт. Үлэҕэ үөрүйэхтээх киһи эдэр учууталидэтин баһылыырыгаргар, бэйэтигэр эрэллээх буоларыгар көмөлөһөр, үгүс сүбэни-аманы биэрэр. Итинтэн тирэхтэнэн уонна тэрийэр үлэни өссө сайыннарар, кыһалҕалары уталыппакка быһаарар туһуттан ассоциация тэрийдибит,-- диир улуустааҕы үөрэх управлениетын начальнига Петр Новгородов.

Ассоциация председателинэн Томпотооҕу элбэх хайысхалаах гимназия историяҕа уонна обществознаниеҕа учуутала Николай Саввин талылынна. Учууталлар саҥа тэриллибит ассоциацияларын былаанын торумнаатылар, үлэ хайысхатын чопчулаатылар. Мантан инньэ көрсөр кыһалҕаларын, араас боппуруостары бары бииргэ быһаарарга сүбэлэстилэр.