Биэчэр бастакы чааһыгар олохтоох “Айар тыын” бөлөх чилиэннэрэ уонна дьаһалта үлэһиттэрэ саха поэттарын хоһооннорун аахтылар. “Дьэргэлгэн” оҕо үҥкүү ансаамбыла уонна олохтоох ырыаһыттар киэһэни киэргэттилэр. Ол кэнниттэн ааспыт сылга Саха сирин Суруйааччыларын сойууһугар киирбит эдэр талааннаах поэтесса Елизавета Мигалкина кинигэтин сүрэхтээһин буолла. Биир дойдулаахтара Дьааҥыттан төрүттээх суруйааччылар -- норуодунай поэт Моисей Ефимов, Дмитрий Дыдаев, Христофор Горохов, Виктор Стручков, Степан Юмшанов туйахтарын хатарыа диэн эрэллэрэ улахан.
Литература киэһэтин поэт Михаил Седалищев-Түҥкэтэх салайан ыытта.