«Тыа сиригэр олорор, үлэлиир бюджет эйгэтин үлэһиттэрэ бары маннык өйөбүлүнэн 1990 сылтан  туһаналлара», - диир үлэ, социальнай сыһыан академиятын проректора Александр Сафонов. 

Кини эппитинэн, үлэһиттэр муниципалитекка баалларынан эбии төлөбүрү урукку өттүгэр олохтоох бюджекка биэрбиттэр. Оттон билигин ити регионнааҕы бюджеттан төлөнөрүн уонна федеральнай киин субъекка судьбсидиянан толуйарын эксперт бэлиэтиир.

"Бүгүҥҥү күнү ылан көрөр буоллахха, страховой медицинаҕа көһүүнэн быраастар хамнастара төһө ыарыһаҕы көрбүттэриттэн, эмтээбиттэриттэн быһаччы тутулуктаах», - диир Александр Сафонов. 

Куорат бырааһыгар 800-тэн итэҕэһэ суох киһи сыһыарыллыбыт эбит буоллаҕына, тыа сирин бырааһа икки сэлиэнньэҕэ 100-түү киһини көрүөн сөп. Онон, куорат бырааһын хамнаһа тыа сирин эмчитинээҕэр үрдүк буолара чахчы.

Куораты кытта тэҥнээтэххэ, тыа сирин бырааһа үлэтигэр көрсөр ыарахаттара элбэх  буолуохтарын сөп. Холобур, суол-иис суоҕуттан кэлиигэ-барыыга, тырааныспарга, о.д.а.

"Коммунальнай өҥөнү толуйуу биһиэхэ 1993 сылтан  «Нэһилиэнньэ доруобуйатын харыстааһын туһунан» өрөспүүбүлүкэ сокуонугар олоҕуран оҥоһуллар", - диэн СИА-ҕа Доруобуйа харыстабылын министиэристибэтигэр эттилэр. Төлөбүр кыбаарталга биирдэ бэриллэр.