Научнай-инновационнай киин дириэктэрэ, педагогическай наука кандидата, бырайыак ааптара Пантелеймон Егоров иһитиннэрбитинэн, хомуурунньукка нууччалыы уонна сахалыы тылынан 70 ырыа киирбит. Ырыалар сэбиэскэй дьон гражданскай уонна Аҕа дойду Улуу сэриитигэр көрдөрбүт хорсун быһыыларыгар, патриотизм тыыныгар уонна Ийэ дойдуга тапталга ананаллар.

Үөрэтэр-научнай лаборатория сэбиэдиссэйэ Ю.А. Москвитин бу хомуурунньугу мөлтөхтүк көрөр дьоҥҥо Брайл систиэмэтинэн рельефнай-точечнай шрибинэн бэлэмнээтэ. Хараҕа суох киһи кинигэ хаҕын бигээн, Мамаев кургаҥҥа баар «Родина-мать» обелиһи билиэн уонна кинигэ аатын ааҕыан сөп.

Брайл систиэмэтинэн таһаарыллыбыт ырыалар хомуурунньуктара ХИФУ салалтата аныгы стандарка эппиэттиир тэрили ылыыны өйөөбүтүн түмүгэр күн сирин көрдө. Кинигэ, бастатан туран, көрбөт студеннар үөрэнэллэригэр көмө буолуоҕа.

Хаартыскаҕа: үөрэтэр-научнай лаборатория сэбиэдиссэйэ Ю.А. Москвитин