Турнирга Таатта, Хаҥалас, Уус-Маайа улуустарыттан, Дьокуускай куораттан уопсайа 14 хамаанда кэлэн күөн көрүстэ. Түөрт күннээх күрэхтэһии кылаабынай судьуйатынан спорт маастара, СР ДЮСШ управлениетын старшай тренерэ Роман Ганжиев үлэлээтэ.

Сытыы киирсии түмүгэр бастакы миэстэни Дьокуускай куорат 17 №-дээх оскуолатын хамаандата ылла. Иккискэ Таатта лицейин хамаандата таҕыста. Үһүс бириистээх миэстэҕэ Саха гимназиятын спортсменнара тигистилэр.

“Кыайыыга дьулуурун иһин” анал бириис Айсен Ермолаевка (Ытык Күөл 1 №-дээх оскуолата, Таатта), “Үчүгэй оонньуутун иһин” - Саарын Терентьевкэ (Саха гимназията-2, Дьокуускай), “Хорсун оонньооччу” - Наташа Бочкареваҕа (Покровскай 1 №-дээх оскуола, Хаҥалас), “Хамаандаҕа бэриниилээх” - Даша Чикидоваҕа (Дьокуускай 17 №-дээх оскуолата) туттарылыннылар.

- Турнир кэмигэр кылаабынай судьуйа Роман Ганжиев саахыматы сөбүлээччилэргэ сеанс биэрдэ. Онно уопсайа 24 киһи кытынна. Маны сэргэ, Саха гимназиятыттан С.Соров алын сүһүөх кылаас учууталларыгар, оҕо саадын иитээччилэригэр, төрөппүттэргэ “Оскуолаҕа киириэн иннинээҕи саастаах уонна алын сүһүөх кылаас оҕолорун саахымакка үөрэтии ньымата” семинар ыытта”, -- диэн улуустааҕы спорткомитет салайааччыта Гаврил Вырдылин кэпсээтэ. Маны сэргэ, кини “Үрүҥ ладья” кыайыылаахтара быйыл ыам ыйыгар Сочига ыытыллар Бүтүн Россиятааҕы турнирга кытталларын иһитиннэрдэ.