Кулун тутар – Дьөһөгөй ыйа. Бу ый күн сааскы тэҥнэһиитэ үүнэр. Кулун тутар 22 күнүгэр сахалар сырдыкка тахсар туом диэни толороллор. Иһиккэ уот уматан баран, уоту аһатан, алгыс анаан туран, күнү батыһа дьиэни эргийэллэр. Оһоххо, уокка үс үрүҥ кылы алҕаан  биэрэллэр. Саха төрдө Дьөһөгөй Айыы дэнэр. Онон сылгы хаһатынан айах минньитэн Дьөһөгөй Айыыга тиксэллэрэ. Ол аата халыҥ харчы кэбиһэн баайы-дуолу түстүүллэрэ. Сылгы хаһата кыһыны быһа аһааҕырбыт иһи-үөһү ыраастыыр.

Кулун тутар 12 күнүгэр -- суол килэрийэр, сарайтан таммалыыр.

Кулун тутар 14 күнүгэр хаардаатаҕына, сайына самыырдаах. Хотуттан тыалыран тымныйдаҕына – сайына сөрүүн.

Кулун тутар 20 күнүгэр сылаас буоллаҕына, 40 хонук сылыйар, тымныйдаҕына – 40 хонук тымныйар. Тураах кэлэр.

Кулун тутар 22 күнүгэр – күн түүннүүн тэҥнэһэр, ол аата күн уһуна 12 чаас буолар. Эрдэлээтэҕинэ, туллук кэлэр. Тэҥкэ ойуурга суор уйатын оҥостор, бастакы сымыытын түһэрэр.

Кулун утар 31 күнүгэр – талах тутар күн (Вербное воскресенье). Саарба, солоҥдо төрүүллэр.