- Саҥа нүөмэргэ прозаны таптааччылар Ульяна Босикова-Сыгына сэрии кэминээҕи эдэр кыыс дьылҕатын ойуулуур «Олох суола» сэһэнин кытта билсиэхтэрэ. Дайаана «Сибэкки», Ульяна Захарова «Эмээхсин» кэпсээннэригэр эдэр дьон учууталларыгар, ийэлэригэр сыһыаннара, сиэр-майгы сатарыйыыта, өй-санаа уларыйыыта итэҕэтиилээхтик арыллар.
- Поэзияны сөбүлээччилэр народнай суруйааччы Сэмэн Тумат, Акыым Дуолан, Аркук, Михаил Егоров-Чуона Мэхээлэ иэйиилээх хоһооннорун ааҕыахтара.
- Литература сылын чэрчитинэн, Михаил Лермонтов «Демон» поэмата (Өксүкүлээх Өлөксөй көҥүл тылбааһа), Иван Тургенев кэрчик кэпсэннэрэ (Петр Аввакумов тылбааһа), Расул Гамзатов аата суох хоһоонноро (Сэки тылбааһа) бэчээттэннилэр.
- «Саҥа хардыы» рубрикаҕа Дария Романова, Варвара Корякина, Анна Нехчоева, Вера Игнатьева, Мария Трофимова хоһооннорун кытта билсиэххит.
- Ааҕааччы «Очерк уонна публицистика», «Улуу Кыайыы 70 сылын көрсө», «Критика уонна библиография» рубриканан тахсыбыт матырыйааллартан өбүгэлэрин олоҕун, сэрии кэминээҕи чахчылар уонна саха биллиилээх суруйаачылара айар ньымаларын туһунан элбэҕи билиэҕэ.
- «Хас биирдии саха ыала ууруна сылдьан ааҕар «Чолбон» сурунаалыгар сурутуҥ. Сахалыы тыын, сахалыы эйгэ кэҥээн-тэнийэн барыытыгар дьоһун кылааккытын киллэрсиҥ!», - диир сурунаал кылаабынай редактора Николай Винокуров-Урсун.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети