- Мунньаҕы киирии тылынан аһарыгар СӨ «Сахабэчээт» автономнай тэрилтэ дириэктэрэ Филипп Пестряков урукку редактор Николай Винокуров-Урсун дуогабара бүтэн, саҥа устаапка олоҕуран кини оннугар солбуйааччыта Данил Макеев анаммытын, ол бырабыыталыстыбанан бигэргэммитин, бэҕэһээ Ил Дархан уонна бырабыыталыстыба дьаһалтатын салайааччыта Юрий Куприянов илии баттаабытын туһунан иһитиннэрдэ уонна эҕэрдэлээтэ. «Чолбон» саҥа редакторыгар сурунаал тираһын үрдэтэргэ, коммерческай сыаллаах сыһыарыылары таһаарарга, икки Суруйааччылар союзтарын айымньыларын тэҥнээн бэчээттииргэ, эһиил «Чолбон» сурунаал 90 сылыгар сурунаал суолтатын үрдэтэргэ соруктары туруорда. Филипп Пестряков Урсун туһунан: «Кини редактордыыр дьоҕурун атын үлэҕэ туһаныахпыт», - диэн бэлиэтээн эттэ.
- «Чолбон» сурунаал кылаабынай редакторын солбуйааччынан «Саха сирэ» хаһыакка корреспонденынан үлэлээбит Россия Суруйааччыларын союһун чилиэнэ, Саха сирин Суруйааччыларын союһун бырабылыанньатын бэрэссэдээтэлин солбуйааччы Гаврил Андросов ананна диэн иһитиннэрдэ. Сурунаал коллектива салгыы таһаарыылаахтык, эйэ дэмнээхтик үлэлииригэр эрэнэрин эттэ.
- Бэчээт департаменын салайааччы Афанасий Егоров сурунаал дьону түмэр сыаллаах үлэлиэхтээҕин, ол иһин Ил Дархан эбии үп көрөргө быһаарыы ылыммытын эттэ, суруйааччылар икки союзтара холбоһон үлэлииллэригэр ыҥырда.
- Тэрээһин кыттыылаахтара «Чолбон» сурунаал саҥа анаммыт салайааччыларын биһирээн ытыс тыаһынан эҕэрдэлээтилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети