- Ааспыт өрөбүлгэ Үчүгэй нэһилиэгэр Кыһыны атаарыы бырааһынньыга буолла. Төһө да тыаллаах, тымныы күн буоллар, сэлиэнньэ олохтоохторо норуот күүлэйигэр үөрэ-көтө муһуннулар.
- Кулууп дириэктэрэ Айаал Павлов кэпсээбитинэн, Кыһыны атаарыы бырааһынньыгар нэһилиэк эр дьоно кулууп бирииһигэр спорт национальнай көрүҥнэригэр күрэстэстилэр. Манна саамай күүстээҕинэн, сымсанан таба ыстаадатын биригэдьиирэ Прохор Громов ааттанна.
- Оҕо саадын иитиллээччилэрэ уонна алын кылаас үөрэнээччилэрэ көрдөөх куоталаһыыга кытыннылар. Хаһаайкалар түөлбэлэринэн остуол маанытын тардан, ким сатабыллаах хаһаайка буоларыгар тургутустулар.
- Киэһэ кулуупка мустан, көрдөөх КВН-ҥа кытыннылар. Көрөөччүлэр «быардара быстыар» диэри күлэн-үөрэн, дуоһуйууну ыллылар.
- Түмүккэ, бөҕү-сыыһы ыраастыы таарыйа, тымныы кыһыны киэр кыйдаан, чуучуланы уоттаатылар.
- Сандал сааһы көрсөр бырааһынньык олус көхтөөтүк ааспытын олохтоохтор астына бэлиэтииллэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети